“Yahja Lutfullah, Ali Azib, Ahmed Ali dhe Salem Nahari” u ekzekutuan sot në Asir, në jugperëndim të mbretërisë saudite, për “kontrabandë hashashi”, njoftoi Ministria e Mbrojtjes saudite.
Në komunikatën e publikuar nga agjencia SPA, saktësohet se të gjithë personat e përmendur janë me kombësi jemenase.
I njëjti burim bëri të ditur edhe ekzekutimin e një pakistaneze për trafik droge, duke e çuar numrin e të ekzekutuarve për këtë arsye në 71 që nga fillimi i vitit 2024.
Arabia Saudite është një treg i rëndësishëm për amfetaminën e prodhuar në Siri dhe Liban.
Ministria e Brendshme njoftoi sot ekzekutimin e dy sauditëve për vrasje.
Arabia Saudite është vendi që ekzekutoi më shumë të burgosur në botë në vitin 2023, pas Kinës dhe Iranit, sipas të dhënave të Amnesty International.
Autoritetet në Riad e konsiderojnë dënimin me vdekje të nevojshme për “ruajtjen e rendit publik” dhe zbatohen vetëm nëse “i akuzuari ka shteruar të gjitha mjetet juridike”.
