Një deputet francez ka pranuar se u kap nga policia duke u përpjekur të blinte drogë javën e kaluar. “Të enjten, më 17 tetor 2024, u arrestova për posedim të lëndëve narkotike. Unë menjëherë pranova akuzat kundër meje”, shkruan Andy Kerbrat në X.
Kerbrat, i cili është anëtar i Frontit të Ri Popullor të krahut të majtë dhe përfaqëson rajonin veriperëndimor të Loire-Atlantique në Asamblenë Kombëtare të Francës, foli pasi gazeta e krahut të djathtë Valeurs Actuelles publikoi një histori që zbuloi se Kerbrat ishte arrestuar ndërsa po përpiqej të blej drogën sintetike 3-MMC në një stacion metroje në Paris.
Aleatët e tij politikë e mbështetën atë
Politikani 34-vjeçar konfirmoi se prej disa kohësh po lufton me varësinë nga droga dhe premtoi se do të kërkojë ndihmë. Varësia është një problem i shëndetit publik dhe si i tillë duhet trajtuar”, tha ai. Ai shprehu keqardhjen që njerëzit e afërt të tij e morën vesh arrestimin përmes mediave, para se ai t’i informonte personalisht.
Disa aleatë politikë në të majtë shprehën mbështetjen e tyre për të pas përhapjes së lajmit. “Përdorimi i drogës dhe varësia ndaj drogës është një çështje kujdesi, shëndeti mendor dhe mbështetje. Ju e keni njohur atë, jeni në rrugën e trajtimit. Kthehuni tek ne në gjendje të mirë,” tha Sandrine Rousseau nga të Gjelbrit, raporton Politico. .
Kerbrati u kritikua kryesisht nga të djathtët. Ndër ata kritikë është ministri i ri i brendshëm Bruno Retailleau, i cili tha se Kerbrat duhet të përballet me pasoja për veprimet e tij. Ministri kujtoi se është tregtia e drogës ajo që nxit dhunën në qytetet franceze si Marseja. “Është e papranueshme të shohësh një deputet që blen drogë sintetike nga një tregtar rruge,” tha Retailleau.
