Dr. Lulzim Kamberi ka njoftuar dorëheqjen e tij nga posti i Drejtorit të Klinikës së Kardiologjisë pas më shumë se tre vjetësh në krye të institucionit.
Kamberi theksoi se gjatë kësaj periudhe ka qëndruar ndaj sfidave të shumta, të cilat shpeshherë kanë penguar avancimin e klinikës.
Ai theksoi se, falë përkushtimit të tij dhe ekipit të tij, Klinika e Kardiologjisë ka arritur sukseset më të mëdha në historinë e saj, përfshirë ribashkimin e klinikës, krijimin e repartit të gjysëmintensivës dhe fillimin e trajtimeve elektrofiziologjike.
Dorëheqja e Kamberit vjen me përfundimin e mandatit të tij duke shpresuar për një funksionalizim të mëtejshëm të sistemit shëndetësor. /Kosovatimes/
