Sekretari i Përgjithshëm i Kombeve të Bashkuara (OKB) Antonio Guterres mbërriti sot në mëngjes në Rusi, ku do të marrë pjesë në samitin e BRICS në Kazan, njoftuan autoritetet lokale në Telegram.
Sekretari i Përgjithshëm i OKB-së do të takohet me “një numër të madh udhëheqësish që marrin pjesë në samit”, tha OKB.
Kremlini ka njoftuar për nesër një takim mes presidentit rus Vladimir Putin dhe Guterres, i cili do të jetë i pari në Rusi që nga prilli i vitit 2022.
Siç u njoftua në Kremlin, Putin do të bisedojë me Guterres për punën e OKB-së, krizën në Lindjen e Mesme dhe situatën rreth Ukrainës.
