Në mbledhjen e Qeveris, kryeministri Albin Kurti ka thënë se Telekomi i Kosovës çdo ditë po i modernizon shërbimet e për këtë meritat ia ka lënë Qeverisë që udhëheq.
Kryeministri Kurti ka thënë se me mbështetjen që i kanë dhënë kësaj kompanie publike arritën ta nxjerrin nga humnera e ta udhëheqin drejt zhvillimit.
“Zhvillimi i sektorit të komunikimeve elektroteknike po merr hov të ri. Në shkallë regjioni, Kosova ka shtrirjen më të madhe të internetit në amvisëri dhe biznese. Duke e mbështetur me kredi, operatorin publik e nxorëm nga humnera dhe po e udhëheqim drejt zhvillimit. Telekomi i Kosovës në partneritet me gjigantët teknologjikë nga Suedia e Kroacia po i modernizon shërbimet 4G dhe 5G në vendin tonë. Pothuajse çdo ditë mund të shihni njoftimet nga Telekomi për modernizimin e shërbimeve të Valës në të gjitha komunat, përfshirë ato veriore si rezultat i investimeve të cilat po bëhen”, ka theksuar Kurti
Sipas tij, zhvillimi i Telekomit ka prodhuar efekte pozitive edhe në sektorin privat.
“Operatori privat po e zgjeron rrjetin. Nga kjo konkurrencë përfitojnë qytetarët dhe bizneset”, ka deklaruar ai.
Kurti bëri të ditur se janë në proces të blerjes së objekteve të ambasadave në Itali, Turqi e Kanada.
“Dje përuruam objektin e ri të Konsullatës tonë në Strasburg, që tashmë është pronë e shtetit dhe shtëpi e përhershme e Republikë sonë. Pra, po vazhdojmë me blerjen e objekteve të ambasadave tona në shtetet kyçe për shërbimin tonë diplomatik. Pas blerjes së objektit të Ambasadës në Shtetet e Bashkuara të Amerikës, në Mbretërinë e Bashkuar, në Kroaci, Senegal dhe tash në Strasburg të Francës, në proces të blerjes janë objektet e ambasadave në Itali, Turqi, Francë, Gjermani dhe Kanada”, ka theksuar Kurti.
Themelohet Komiteti për mbikëqyrjen e zbatimit të projektit “Skema e Profesionistëve të Rinj” në kuadër të IPA 2018 e 2019
Qeveria e Kosovës në mbledhje ka miratuar Propozim-vendimin për themelimin e Komiteti Drejtues për mbikëqyrjen e zbatimit të projektit “Skema e Profesionistëve të Rinj” në kuadër të programeve IPA 2018 dhe IPA 2019.
Zëvendëskryeminitri Besnik Bislimi, theksoi se ky komitete ka për detyrë mbikëqyrjen, koordinimin dhe zbatimin e projektit. Ai ka ftuar që të bashkohen edhe përqafues të zyrës së BE-së.
“Ky komitete ka për detyre kryesore mbikëqyrjen, koordinimin dhe zbatimin e projektit në përbërje nga zyra e kryeministri, MPB dhe MASHTI nga ana e Qeverisë ndërkaq ftohen për pjesëmarrës përfaqurës të zyrës së BE-së. Komiteti drejtues i projekt ekziston në përbejnë që nga viti 2022 por rregullorja e re e parasheh që të ketë edhe vendim formal nga ana e Qeverisë”, ka thënë ai.
