Fenerbahçe dhe Manchester United kanë ndarë pikët të enjten në stadiumin “Şukrü Saracoglu”, në kuadër të Europa League, në një ndeshje që është transmetuar drejtpërdrejt nga RTK.
Takimi është mbyllur me rezultatin 1-1, me të dyja skuadrat që kanë luftuar për një fitore, por pa mundur të ndahen me tri pikë.
Manchester United ia ka arritur ta gjejë i pari golin në minutën e pesëmbëdhjetë, pas një aksioni të filluar nga Manuel Ugarte, i cili ka njohur për protagonistë edhe Garnacho, Mazraoui, Zirkzee e tek në fund edher Christian Eriksen, i cili e ka dërguar topin në këndin e lartë të portës.
Megjithatë, United e ka shpërdoruar epërsinë dhe Fenerbahce e ka rikthyer kontrollin. Vetëm katër minuta pas fillimit të pjesës së dytë, Youssef En-Nesyri ka shënuar me kokë pas një krosimi nga Allan Saint-Maximin, duke barazuar rezultatin në 1-1.
Tifozët vendas kanë reaguar me zemërim kur një penallti nuk është akorduar pas një ndërhyrje të Ugarte ndaj Bright Osayi-Samuel, gjë që ka çuar në protestën e trajnerit Jose Mourinho, i cili është ndëshkuar me karton të kuq.
REZULTATET E NDESHJEVE:
