Krimi i ri izraelit në Gaza: 17 palestinezë, përfshirë katër fëmijë, u vranë në një sulm në një shkollë

Shtatëmbëdhjetë palestinezë, duke përfshirë katër fëmijë, u vranë në një sulm ajror izraelit në një shkollë që strehonte familje të zhvendosura në kampin e refugjatëve Nuseirat në Rripin qendror të Gazës.

Shuhadaa (Dëshmorët) e Nuseirat, një shkollë publike, po priste qindra familje të zhvendosura brenda vendit kur u godit. të plagosurit në sulmin, i cili ndodhi gjatë orës së pikut rreth mesditës, u transportuan në spitalet aty pranë, al-Awda dhe Al-Aksa.

Më shumë se një raketë u përdor në zonën e cila ishte afër tregut lokal.Kjo nuk është hera e parë që forcat izraelite godasin një shkollë që strehon mijëra familje të zhvendosura. Kampet dhe strehimoret e improvizuara u goditën gjithashtu vazhdimisht.

Disa nga personat e plagosur në këtë sulm janë në gjendje kritike. Furnizimet mjekësore dhe barnat për trajtimin e tyre mësohet se janë në mungesë dhe numri i viktimave pritet të rritet.Zyra e qeverisë për media në Gaza njoftoi se sulmet e drejtpërdrejta ajrore izraelite në shkollën Shuhadaa al-Nuseirat në pjesën qendrore të enklavës e çuan numrin e qendrave të zhvendosjes së prekur në 196 që nga fillimi i luftës.

“Ushtria pushtuese e dinte se shkolla strehonte mijëra refugjatë dhe se shumica e tyre ishin fëmijë dhe gra që ishin dëbuar nga shtëpitë e tyre të bombarduara dhe zonat e banuara,” tha ajo.