Siç shkruan Politico, plani i fitores së presidentit ukrainas Volodymyr Zelensky po përballet me sfida dhe disa nga anëtarët kryesorë të Aleancës nuk janë të interesuar të ftojnë Ukrainën për t’u anëtarësuar në NATO.
Gjermania dhe SHBA janë ndër fuqitë kryesore që i rezistojnë thirrjes së Zelenskiy për t’u bashkuar me NATO-n.
Politico vuri në dukje se anëtarët kryesorë të Aleancës janë të shqetësuar për tërheqjen në një luftë me Rusinë.
Në një intervistë për Politico, ambasadorja në largim e SHBA në NATO, Julianne Smith theksoi qëndrimin e SHBA.
“Deri më sot, Aleanca nuk ka arritur në pikën ku është gati të ofrojë anëtarësim ose një ftesë për Ukrainën,” tha Smith.
Megjithatë, Gjermania dhe SHBA nuk janë të vetmet që bllokojnë anëtarësimin e Ukrainës në NATO. Hungaria dhe Sllovakia po rezistojnë gjithashtu, por ato po vijnë nga një pikënisje tjetër.
Udhëheqësit e tyre aktualë populistë mbajnë një qëndrim pro-rus.
Kryeministri hungarez Viktor Orban bllokoi fondet e BE-së për furnizimin e Ukrainës me armë dhe u tërhoq nga programi i NATO-s për ndihmën vdekjeprurëse për Kievin.
Kryeministri sllovak Robert Fico paralajmëroi në fillim të këtij muaji se pranimi i Ukrainës në NATO do të ishte një bazë e mirë për një luftë të tretë botërore dhe premtoi se ai kurrë nuk do të pajtohej me të.
Ka vende të tjera që nuk janë të etur për të vepruar shpejt me kërkesën e Kievit dhe janë të kënaqur të mbeten në prapavijë.
“Vendet si Belgjika, Sllovenia apo Spanja fshihen pas SHBA-së dhe Gjermanisë”, tha një zyrtar i NATO-s.Megjithatë, zyrtarët që folën për Politico theksuan se as SHBA dhe as Gjermania nuk e përjashtojnë anëtarësimin e mundshëm të Ukrainës në NATO në të ardhmen.
