Sot në qytetin e Mitrovicës është vendosur gurthemeli i çerdhes së re në rrugën “Mbretëresha Teutë”.
Ky projekt i rëndësishëm ka për qëllim të ofrojë mundësi të reja për edukimin e fëmijëve duke reflektuar angazhimin e qeverisjes lokale për të siguruar një infrastrukturë më të mirë dhe shërbime me cilësore për qytetarët.
Komuna njofton se gurthemeli është vendosur nga Kryetari i Komunës së Mitrovicës, Bedri Hamza, i shoqëruar nga nënkryetari Arian Tahiri, kryesuesja e kuvendit, Vesa Broja si dhe drejtoresha e Arsimit, Drita Kadriu.
Gjatë kësaj ceremonie, kryetari Hamza dhe nënkryetari Tahiri theksuan rëndësinë e çerdhes për mirëqenien e fëmijëve dhe të familjeve në Mitrovicë.
Ata shprehën besimin se çerdhja e re do të jetë një objekt modern i cili do të shërbejë për zhvillimin e fëmijëve, duke shtuar se “Investimi në edukimin e fëmijëve është një investim në të ardhmen e shtetit, sepse fëmijët e sotëm janë liderët e nesërm”. /Kosovatimes/
