Në një seri takimesh të mbajtura në kullat historike të Strellcit dhe Drenocit në Deçan, Lumir Abdixhiku, kryetar i LDK-së, theksoi rëndësinë e mbështetjes së qytetarëve për një Kosovë të zhvilluar dhe të drejtë.
\Në bisedime me qytetarët e përkushtuar të këtyre zonave, Abdixhiku ndau shqetësimet dhe sfidat që po prekin çdo cep të Kosovës, ndërsa theksoi se qytetarët e vendit janë duke kërkuar zgjidhje të prekshme dhe reale për problemet e përditshme.
“Durimi i qytetarëve po soset dhe ata presin rrugë të sigurta, ekonomi të fortë, dhe një jetë të dinjitetshme,” tha Abdixhiku, duke nënvizuar se vetëm LDK ofron një vizion të qartë për një të ardhme më të mirë.
Ai theksoi se kjo mbështetje e ndërsjellë ndërmjet qytetarëve dhe LDK-së është garancia për të çuar Kosovën përpara drejt ndryshimit të kërkuar dhe të merituar nga populli. /Kosovatimes/
