Trajneri i Real Madridit, Carlo Ancelotti, ka thënë se nuk ndihet i shqetësuar nga rikthimi i Barcelonës në krye të La Liga para ndeshjes së madhe të së shtunës, e njohur si “El Clasico”.
Barcelona, e drejtuar nga trajneri Hansi Flick, do të udhëtojë drejt “Santiago Bernabeu” me tri pikë epërsi ndaj kampionit aktual të Spanjës dhe pas një fitore të thellë 5-1 ndaj Bayern Munich në Champions League.
“E vërteta është se ata po performojnë shumë mirë”, tha Ancelotti gjatë konferencës për shtyp të premten. “Në një ndeshje si El Clasico, një derbi, është e vështirë të thuash një favorit. Për fat të mirë, për momentin nuk kam problem me gjumin”.
Real Madridi është i pamposhtur në dyzet e dy ndeshje të La Liga dhe nëse shmangin humbjen në këtë përballje, do të barazojnë rekordin e Barcelonës prej dyzet e tri ndeshjesh pa humbje.
