Trajneri gjerman i Barcelonës, Hansi Flick, ka vlerësuar performancën e shtatëmbëdhjetë vjeçarit Lamine Yamal gjatë këtij sezoni, ndërsa Barcelona përgatitet për ndeshjen vendimtare kundër Real Madridit të shtunën në La Liga.
Barça aktualisht kryeson tabelën me tri pikë më shumë se Real Madridi.
Flick ka folur për talentin e ri të skuadrës, duke e lavdëruar për aftësitë e tij të jashtëzakonshme.
“Siç e keni parë, ai është një lojtar i talentuar. I shpejtë, por ka aftësi teknike të larta. Mendoj se duhet të përmirësohet pak në fazën mbrojtëse”, ka komentouar Flick.
Sa i përket përballjes së madhe me Real Madridin, Flick ka thënë se ende nuk e ka vendosur formacionin startues, duke lënë të kuptohet se Fermin Lopez mund të ketë një rol të rëndësishëm në këtë përballje.
