omandanti i Forcës së Sigurisë së Kosovës (FSK), gjenerallejtënant Bashkim Jashari ka pritur në takim komandantin e KFOR-it, gjeneralmajor, Enrico Barduani.
Sipas njoftimit, gjeneral Jashari fillimisht e uroi gjeneral Barduanin për fillimin e detyrës së re si komandant i KFOR-it.
“Gjithashtu e informoi për zhvillimet në FSK, angazhimet, trajnimet dhe aktivitetet të tjera në vijim”, thuhet në njoftim.
Në takim u diskutua edhe për situatën aktuale të sigurisë në vend dhe më gjerë.
“Gjeneral Jashari dhe gjeneral Barduani gjithashtu diskutuan për bashkëpunimin në mes të FSK-së dhe KFOR-it dhe u zotuan që të bashkëpunojnë tutje, në të mirë të sigurisë dhe paqes në vend dhe rajon”, thuhet tutje në njoftim. /Kosovatimes/
