Critas Kosova, në kuadër të programit YourJob, organizoi Konferencën Rinore me temë “Sfidat dhe Mundësitë e Punësimit në Kosovë dhe Shqipëri”. Kjo ngjarje bëri bashku ekspertë, përfaqësues të institucioneve dhe të rinjtë nga Kosova dhe Shqipëria për të diskutuar mbi mënyrat se si mund të zhvillohet potenciali i rinisë për të ndërtuar të ardhmen në vendin e tyre.
“Programi YourJob, i mbështetur nga Agjencia Austriake për Zhvillim (ADA), Secourse Catholique dhe donatorë të tjerë si Renovabis, dhe Komuna e Mitrovicës së Jugut, ka për qëllim fuqizimin e të rinjve përmes trajnimeve profesionale, orientimit në karrierë, praktikave të punës dhe mbështetjes për idetë inovative të biznesit.
Deri tani, 1232 të rinj nga Kosova kanë përfituar nga programi, me mbi 4000 shërbime këshilluese, përfshirë orientimin në karrierë dhe këshillimin profesional e ligjor. Programi ka mundësuar gjithashtu trajnim profesional për 129 të rinj, nga të cilët 60% tashmë janë të punësuar në sektorë të ndryshëm. Ndërsa në Shqipëri, 1354 të rinj janë pjesë e programit ku janë ofruar 4328 shërbime këshillimi, 100 trajnime profesionale, 62 punë praktike. Gjithsej në Kosovë dhe Shqipëri janë themeluar 30 start-up dhe 4 të tjera janë në procedurë themelimi”, thuhet në komunikatë.
Tej thuhet se, në konferencë u diskutuan sfidat me të cilat përballen të rinjtë në qasjen e tyre në tregun e punës dhe mënyrat për të ndërtuar një të ardhme të qëndrueshme profesionale në Kosovë dhe Shqipëri.
Caritas Kosova, falënderon të gjitha mediat që ishit pjesë e kësaj Konference më 25 tetor në Prishtinë, për të pasqyruar këtë moment të rëndësishëm për të rinjtë dhe perspektivat e tyre të punësimit. /Kosovatimes/
