Ish-mbrojtësi i Brazilit, Ze Carlos, nënkampion i Kupës së Botës më 1998, ka vdekur të premten në moshën pesëdhjetë e gjashtë vjeçare, ka njoftuar Sao Paulo, klubi i tij i dikurshëm.
Klubi nuk ka sqaruar rrethanën e vdekjes, por sipas mediave lokale braziliane bëhet fjalë për arrest kardiak.
“Me hidhërim të madh, Sao Paulo FC njofton vdekjen e Jose Carlos de Almeida, Ze Carlos, këtë të premte në Osasco, afër Sao Paulo,” thuhet në deklaratën e klubit, ku futbollisti kishte luajtur nga viti 1997 deri në 1999.
Ze Carlos në shumicën e rasteve të paraqitjeve me Brazilin ksihte qenë rezervist, ndërsa ndeshja ku mbahet mend si startues ishte ajo e gjysmëfinales kundër Holandës, kur Cafu ishte i pezulluar, ndeshje të cilën Brazili e kishte fituar pas penalltive.
Ai ishte tërhequr nga futbolli në vitin 2005.
