Qyteti i njohur italian i Venecias do të dyfishojë numrin e ditëve në vitin 2025 në të cilat turistët do të tarifohen për vizitat, pas një periudhe prove të suksesshme vitin e kaluar, tha kryetari i bashkisë së Venecias, Luigi Bruniaro, siç raporton BBC.
Siç raporton BBC , udhëtarët ditorë, të cilët rezervojnë paraprakisht, do të duhet të paguajnë pesë euro për të qëndruar në këtë qytet italian në ditë të caktuara midis prillit dhe korrikut, e cila rritet në 10 euro nëse rezervojnë më pak se katër ditë përpara.
Të gjithë vizitorët mbi 14 vjeç do të duhet ta paguajnë këtë tarifë në telefonat e tyre dhe të shkarkojnë një kod QR për t’ua treguar inspektorëve, të cilët do të kontrollojnë rastësisht njerëzit.
Ashtu si me tarifën e mëparshme, do të përjashtohen personat me rezervime hotelesh dhe bujtinash, si dhe banorët e rajonit të Venetos, studentët e regjistruar në Universitetin e Venecias dhe ata që vizitojnë të afërmit që jetojnë në Venecia.
