Manchester City ka arritur një fitore minimale 1-0 ndaj Southampton, në ndeshjen e zhvilluar të shtunën në “Etihad”, duke u ngjitur në krye të tabelës së Premier League.
Skuadra e drejtuar nga Pep Guardiola e ka siguruar fitoren falë një goli të hershëm nga Erling Haaland.
ka qenë minuta e pestë e ndeshjes kur Haaland ka shënuar pas një asisti nga Matheus Nunes. Pak më vonë, Nunes ka pasur një shans për ta dyfishuar avantazhin, por goditja e tij ka kaluar ngjitur me shtyllën, duke e humbur shansin për të shënuar në debutimin e tij në Premier League.
Pjesa e dytë nuk ka sjellë shumë ndryshime, por City ishte afër golit të dytë kur Phil Foden e ka dërguar një goditje pranë shtyllës menjëherë pas rifillimit të lojës. Një tjetër mundësi e artë ka ardhur kur Savinho ka asistuar Haaland në shtyllën e dytë, por sulmuesi norvegjez e ka devijuar topin jashtë nga një distancë shumë e afërt.
City nuk ka qenë asnjëherë në presion nga Southampton, i cili nuk ka arritur të krijojë asnjë rrezik serioz gjatë gjithë ndeshjes.
Me këtë fitore, Manchester City arrin në njëzet e tri pikë, por pozicioni në tabelë mund të ndryshojë të dielën, kur Arsenal dhe Liverpool.
