Kryetari i Kuvendit të Kosovës, Glauk Konjufca, dënoi sulmin ndaj Kryetarit të Komunës së Pejës, Gazmend Muhaxheri duke e cilësuar si një akt të papranueshëm dhe të dëmshëm për demokracinë në vend.
Ai i uroi Muhaxherit shërim të shpejtë dhe shëndet të plotë duke theksuar se dhuna nuk ka qenë dhe nuk do të jetë zgjidhje.
Konjufca shprehu mbështetjen e tij për organet e rendit në zbardhjen e plotë të rastit dhe kërkoi që autorët të marrin ndëshkimin e merituar. /Kosovatimes/
