Mes Kryeqytetit Prishtina dhe Shoqata e Miqësisë Kosovë-Austri u nënshkrua Marrëveshja e Bashkëpunimit, përmes së cilës u dakordua që çdo vit, më 26 tetor, në Ditën Kombëtare të Austrisë, në oborrin e Komunës do të valojë flamuri i Austrisë.
“Vendosja e flamurit austriak përkrah atij kosovar dhe të kryeqytetit, është një shenjë e miqësisë dhe lidhjeve të thella mes popujve tanë. Përmes kësaj nisme simbolike, dëshmojmë respektin dhe lidhjen e qëndrueshme që Prishtina dhe Kosova kanë ndërtuar me Austrinë gjatë viteve”, thuhet në njoftim të Komunës së Prishtinës. /Kosovatimes/
