Bayern Munich është rikthyer në krye të tabelës së Bundesliga pas një fitore të thellë 5-0 ndaj Bochum të dielën në “Vonovia Ruhrstadion”, në ndeshjen e zhvilluar në kuadër të Javës së tetë të kampionatit.
Ndonëse vendasit e Bochum e kanë pasur rastin e parë të madh të ndeshjes, ku Moritz Broschinski i ka ikur portierit Neuer, Kim Min-jae ia ka arirtur ta largojë topin nga vija e portës duke shmangur një gol të hershëm. Megjithatë, cilësia e Bayern Munich ka ardhur në shprehje, me Michael Olise që ka shënuar me një goditje dënimi në minutën e gjashtëmbëdhjetë, duke kaluar “bavarezët” në avantazh.
Pavarësisht se Bochum ka vazhduar të krijonë raste, përfshirë tentativat e Broschinskit dhe Masovicit, ata nuk ia kanë arritur të konkretizojnë rastet.
Në anën tjetër, Bayern e ka dyfishuar epërsinë para përfundimit të pjesës së parë, me Jamal Musiala që ka shënuar me kokë pas një pasimi të saktë nga Joshua Kimmich.
Skuadrat kanë shkuar në pushimin mes pjesëve me rezultatin 2-0.
Në pjesën e dytë, Bayern Munich e ka vazhduar dominimin duke realizuar edhe tri gola.
Musiala pas një depërtimi të gjatë ka pasur për Harry Kane, i cili e ka shënuar golin e tij të pesëmbëdhjetë të sezonit, duke siguruar fitoren e skuadrës së tij.
Pastaj Sane ka rritur epërsinë edhe më shumë kur ka shënuar golin e tij të pesëdhjetë për Bayern.
Megjithatë, Bayern nuk është mjaftuar as me 4-0 dhe Coman ka shënuar një tjetër gol, duke vulosur rezultatin përfundimtar 5-0.
Pas tetë javësh në kampionat, Bayern Munich kryeson tabelën me njëzet pikë, aq sa ka edhe Leipzig në vendin e dytë.
