Vepra e autores Shukrije Rama e quajtur “Narrativat e pa treguara të grave të Kosovës”, tash e tutje do t’i ketë lexuesit edhe në gjuhën angleze.
“The Shrine of Woes” do të sjellë për publikun ndërkombëtar koleksion të ngjarjeve të grave të Kosovës gjatë periudhës së luftës, më saktësisht përjetimet e tyre nga humbja.
“Ky botim gjithashtu ndihmon në theksimin e rëndësisë së zërit të grave në histori, duke u ofruar atyre një platformë për të ndarë përvojat e tyre. Është një hap i rëndësishëm për të nderuar të kaluarën dhe për të ndihmuar në ndërtimin e një të ardhmeje më të mirë, duke nxitur empatinë dhe mirëkuptimin ndërmjet kulturave të ndryshme”, thuhet në recensionin e veprës.
Në thelb të këtyre tregimeve janë përvoja tragjike të grave që mbijetuan masakra, ato që humbën të dashurit gjatë luftës në Kosovë, dhe ato që përballen me peshën e gjakmarrjeve dhe martesave të hershme.
“The Shrine of Woes” tejkalon thjesht tregimin; ajo shërben si një thirrje e fuqishme për empati dhe një testament për forcën e paepur të grave të Kosovës përballë tragjedive të pabesueshme”, vazhdon recensioni.
