Agjencitë policore nga 18 vende sekuestruan më shumë se 14 milionë euro kartëmonedha të falsifikuara në operacionin “Bait”, njoftoi Europol.
Në njoftim thuhet se Europol ka koordinuar aksionin, i cili u drejtua nga Spanja, Portugalia dhe Austria.
Qëllimi i operacionit ishte ndalimi i shpërndarjes së kartëmonedhave false në shërbimet postare në të gjithë Evropën, raporton Srna.
Gjatë operacionit u sekuestruan 174 pako me kartëmonedha të falsifikuara, çka bëri që policia të niste 144 hetime të reja. Në operacion u kapën 148.130 sende të falsifikuara, përfshirë 134.949 euro në kartëmonedha dhe monedha, dhe 9.186 paund britanike dhe 3.959 dollarë.
Europol shton se më të zakonshmet ishin kartëmonedhat 50 dhe 20 euro.
