Ylli i Barcelonës dhe Spanjës, Lamine Yamal, është shpallur sonte fitues i trofeut “Kopa” për lojtarin më të mirë të ri në botë në ceremoninë e “Topit të Artë” të mbajtur në Paris dhe organizuar nga “France Football”.
Yamal ka shkruar histori, pasi është lojtari i parë nën moshën tetëmbëdhjetë vjeçare që e fiton këtë çmim.
Yamali ka spikatur në Kampionatin Europian “Gjermania 2024”, ku ishte vendimtar për Spanjën në rrugëtimin drejt triumfit.
Në garën për trofeun “Kopa”, ai la pas emra premtues si Mainoo, Savinho, Cubarsi dhe Arda Guler.
