Ukraina nuk do të kufizohet në përdorimin e armëve amerikane kundër forcave të Koresë së Veriut nëse ato angazhohen në beteja kundër Forcave të Armatosura të Ukrainës. Këtë deklaratë e bëri Pentagoni të hënën. Departamenti Amerikan i Mbrojtjes vlerëson se rreth 10,000 trupa të Koresë së Veriut janë dislokuar në Rusinë lindore për stërvitje.
“Disa nga këto trupa tashmë janë afruar më afër Ukrainës dhe ne jemi gjithnjë e më të shqetësuar se Rusia synon t’i përdorë ato në betejat kundër trupave ukrainase në rajonin Kursk të Federatës Ruse,” tha të hënën zëdhënësja e Pentagonit Sabrina Singh.
Sekretari i Përgjithshëm i NATO-s Mark Rutte tha më herët të hënën se trupat e Koresë së Veriut ishin dislokuar në rajonin Kursk të Rusisë, mbi të cilin trupat ukrainase vendosën kontrollin gjatë një ofensive verore, vuri në dukje shërbimi rus i Zërit të Amerikës .
