Ka përfunduar dita e parë e WTT Feeder Prishtina 2024. Sot është ka pasur gara në të gjitha kategoritë, individuale, çifte femra, çifte meshkuj dhe çifte të përziera
Dita ka filluar me çifte të përziera, në të cilën favoritet kanë avancuar tutje, e sportistët nga Kosova u ndalën të gjithë në rundin e parë.
Pasuan garat individual dhe garat në çifte të meshkujve, ku paraqitje shumë të mirë patën Fatih Karabaxhak dhe Kreshnik Mahmuti, të cilët fituan dy sete ndaj lojtarëve nga Holanda Berben Barry dhe Boer Milo De. Në kategorinë individuale, Arti Karabaxhak fitoi një set ndaj spanjollit Miguel Pantoja, ndërsa Kreshnik Mahmuti fitoi një set ndaj koreanit Ho Jeongmun. Ndonëse jo me fitore, Kosovarët patën një paraqitje shumë të mirë krahas lojtarëve më të mirë në botë.
Pasdite vazhduan garat e çifteve të femrave për të vazhduar me garat individuale për meshkuj e femra, që secila ndeshje ishte më e fortë se tjetra, edhe këtu sportistët favorit avancuan tutje si Pucar, Lind, Bajor, etj.
“Nesër në program janë gara edhe më interesante, do të zhvillohen çerekfinalet për çifte si dhe rrethi i 16 dhe çerekfinale për individuale, andaj mos e lëshoni rastin të shijoni aksione të jashtëzakonshme e shumë atraktive. Garat fillojnë nga ora 10:00 në sallën “1 tetori””, thuhet në komunikatën për media të FPPK-së. /Kosovatimes/
