Prokuroria Speciale e Republikës së Kosovës ka reaguar me indinjatë ndaj qasjes së vazhdueshme të Ministres së Drejtësisë, Albulena Haxhiu, e cila ka pretenduar se kjo prokurori ka mbyllur hetimet mbi një pronë milionëshe në Veternik.
Sipas Prokurorisë, ky rast asnjëherë nuk ka qenë objekt hetimi dhe deklaratat e ministres konsiderohen të pavërteta dhe qëllimkëqija, me synim për të dëmtuar imazhin dhe penguar punën e institucionit.
Prokuroria thekson se këto veprime nuk do ta ndalin në luftën kundër kriminalitetit dhe ndjekjen e autorëve të veprave penale. /Kosovatimes/
