Sot në Zyrën e Kryeprokurorit të Shtetit qëndroi për vizitë pune, prokurorja amerikane, znj. Angel Krull, e shoqëruar nga zyrtarë të Ambasadës Amerikane në Prishtinë.
Delegacioni Amerikan u prit nga prokurorë nga Departamentet për të Mitur dhe prokurorët koordinatorë për rastet e trafikimit me qenie njerëzore, nga Prokuroritë Themelore dhe nga Prokuroria e Apelit.
Gjatë këtij takimi u diskutuan çështje të rëndësishme që ndërlidhën me luftimin e trafikimit me qenie njerëzore, ku pati diskutime grupore për raste konkrete që prokurorët i kanë në punë.
Për të ndarë përvojën e saj profesionale në trajtimin e këtyre rasteve prokurorja amerikane Angel Krull para të pranishmëve bëri edhe një prezantim për trajtimin sa më profesional të rasteve që ndërlidhen me trafikimin me qenie njerëzore. /Kosovatimes/
