Makaronat dihet se vijnë nga Italia dhe kanë recetat më të mira. Por gjithashtu, në çdo vend amvisat dhe kuzhinierët profesionistë e përshtatin pjatën e famshme sipas shijes së tyre. Ju sjellim edhe recetën e famshme greke që kombinon salcën aromatike beshamel, spinaqin dhe mbushjen me djathë feta (mbushje për spanakopita) me makarona. Ju igurojme te provoni kete recete per makarona te pjekura , sepse jemi të sigurt që do t’ju pëlqejë.
Përbërësit:
- 500 gr makarona
- 230 g mocarela
- 120 g djathë feta
- Për të mbushur:
- 1 tufë qepë
- 3-4 lugë vaj ulliri
- 700 gr spinaq
- 1 lugë çaji kopër të thatë
- 120 gr krem djathi
- 300 g djathë feta
- Për salcën beshamel:
- 4 lugë vaj ulliri
- 6 lugë miell
- 4 gota qumësht
- 1/4 lugë çaji arrëmyshk
- 2 vezë
- 1-2 gota djathë parmixhano
Gatuani makaronat. Hidhni vaj ulliri në tigan, më pas shtoni qepë të grira hollë. Skuqini derisa të zbuten, më pas shtoni hudhrën e grirë. Skuqini për një minutë, më pas shtoni spinaqin e pastruar dhe të larë në tigan. I rregullojmë me kripë dhe piper, më pas i skuqim derisa të zbutet edhe spinaqi. Hiqeni nga zjarri dhe shtoni koper dhe krem djathi. Përziejini gjithçka mirë, më pas shtoni fetën e grirë. Përziejini gjithçka përsëri derisa përbërësit të bashkohen mirë.
Ngrohni vajin e ullirit në një tenxhere dhe më pas shtoni miellin. Skuqini për disa minuta duke e përzier vazhdimisht dhe më pas derdhni qumështin. Gatuani derisa të trashet, duke e përzier vazhdimisht. Kur beshamelja të jetë gati, kriposeni, piperoni dhe e spërkatni me arrëmyshk. Përziejini gjithçka mirë. Hiqeni nga soba, më pas shtoni vezët e rrahura dhe parmixhanin dhe përziejini gjithçka mirë.
Vendosni makaronat e kulluara (gjysmën e sasisë) në një enë zjarrduruese dhe më pas hidhni sipër një lugë salcë beshamel. Më pas thërrmojmë pak djathë feta dhe mocarela dhe përziejmë. Hidhni mbi të mbushjen me spinaq, më pas shtoni makaronat e mbetura dhe hidhni përsëri një lugë salcë beshamel. Spërkatni djathin feta, si dhe mocarelën dhe hidhni salcën e mbetur të beshamelit. Piqeni në furrë të parangrohur në 180°C për rreth një orë. Lëreni të qëndrojë për 2 orë pas pjekjes dhe më pas shërbejeni.
