Sulmet e fundit të Izraelit ndaj Iranit do të përballen me një përgjigje “përfundimtare dhe të dhimbshme” që ka të ngjarë të kryhet përpara zgjedhjeve presidenciale në SHBA, tha një burim i lartë për CNN të mërkurën.
Deklarata përfaqëson një largim nga përpjekjet fillestare të Iranit për të minimizuar seriozitetin e sulmeve izraelite të kryera më 25 tetor, kur Izraeli pranoi publikisht sulmet ndaj objektivave iraniane për herë të parë.
“Përgjigja e Republikës Islamike të Iranit ndaj agresionit të regjimit sionist do të jetë përfundimtare dhe e dhimbshme ”, tha një burim i njohur me vendimet e Iranit.
Edhe pse burimi nuk specifikoi një datë të saktë për sulmin, ai tha se “ai me siguri do të kryhet përpara zgjedhjeve presidenciale në SHBA”.
Në reagimin e tij fillestar ndaj sulmeve, Udhëheqësi Suprem i Iranit Ayatollah Ali Khamenei dha një përgjigje më të përmbajtur, duke thënë se sulmet “as nuk duhet të ekzagjerohen dhe as të minimizohen”, raporton CNN .
