Gazetari hulumtues Vehbi Kajtazi njoftoi se sot paradite, gjatë një kontrolli rutinë në servis, është zbuluar një pajisje e dyshimtë GPS i ngjitur në pjesën e pasme të veturës së tij.
“Pajisja, e cila përmban një SIM kartë dhe internet, është marrë nga njësitë speciale të Policisë së Kosovës për ekzaminim”, shkroi ai.
Kajtazi, i cili ka denoncuar vazhdimisht ndjekjet dhe presionet nga autoritetet, kërkon që rasti të hetohet nga Prokuroria Speciale dhe avokatët e tij të marrin pjesë gjatë ekzaminimit të pajisjes. /Kosovatimes/
