Një person ka vdekur dhe dy të tjerë janë lënduar si pasojë e një aksidenti në fshatin Bresalc të Gjilanit.
Ngjarja ka ndodhur mes tri veturave, ku fillimisht të lënduarit janë dërguar në qendrën emergjente për ndihmë mjekësore.
“Ata janë dërguar me urgjencë në qendrën emergjente në Gjilan për ndihmë mjekësore. Pasagjerja shtetase e Kosovës (1978), si pasojë e lëndimeve të marra në aksident ka ndërruar jetë ku vdekjen e saj e kanë konstatuar mjekët në Qendrën Emergjente në Gjilan”, ka konfirmuar për RTKlive, Ismet Hashani zëdhënësi i Policisë për rajonin e Gjilanit.
Me vendim të prokurorit të shtetit trupi i pajetë i viktimës dërgohet në obduksion. Hetuesit policor të aksidenteve nga njësiti i trafikut rajonal janë duke hetuar rrethanat e këtij aksidenti të rëndë.
