Agjencia për Investime dhe Përkrahjen e Ndërmarrjeve në Kosovë (KIESA), do të mbështes bizneset që krijojnë produktet të reja dhe inovative në vend.
Zef Dedaj U.d. i Drejtorit të Përgjithshëm të KIESA-s, tha për RTK, ka folur edhe për atë së sa mund të përfitojnë bizneset nga kjo thirrje e MINT për bizneset kosovare.
“Bizneset mund të përfitojnë 13 deri në 15 mijë euro, nëse i marrin 13 mijë euro, 2 mijë ose tre tjera kanë mundësinë që për biznese Support Servisis gjatë zbatimit t’i përfitojnë edhe ata që do t’i ndihmojmë me implementim. Ajo çfarë është e rëndësishme nëse një biznese përfitues përfiton nga KIESA ka mundësi që të gjejë ‘investitor engjuj’, kjo terminologji dhe praktikë ndërkombëtare është shumë e zhvilluar, prandaj përherë të parë kemi filluar tash ta praktikojmë në Kosovë në këtë aspekt, pra bizneset që përfitojnë te, duhet t’i sjellin dëshminë e një ‘investitori engjëll’ që ka përfituar nga koncepti fillestar për inovacion dhe potencialisht të gjejë mbështetje shtesë nga ai inevstitor”, tha Dedaj.
Ai bëri me dije se minimumi për të përfituar është 10 mijë euro, ndërsa maksimumi i palimituar , ku mund të përfitojë 50 mijë, 100 mijë e kështu më radhë.
Ndryshe Ministria e Industrisë, Ndërmarrësisë dhe Tregtisë (MINT) ka shtyrë afatin e aplikimit të bizneseve për Skemën e Granteve të Inovacionit, deri më 4 nëntor, ora 00:00. Ky vendim është marrë për shkak të problemeve teknike të paraqitura në platformën e-Kosova.
