Trajneri i Juventusit, Thiago Motta mendon se skuadra e tij duhet ende të përmirësohet për t’u rikthyer në krye të elitës së futbollit italian.
Aktualisht torinezët ndodhen në vendin e gjashtë me 18 pikë, shtatë me pak se kryesuesi i tabelës, Napoli.
“Duhet të bëjmë më mirë për t’u rikthyer në krye të tabelës”, ka thënë Motta.
Juve duelin e radhës e luan këtë fundjavë në udhëtim tek Udinese. Motta kërkon maksimumin nga të besuarit e tij në duel me Udinesen.
“Duhet të shkojmë në Udine me bindje, të bëjmë një paraqitje të shkëlqyer dhe të marrim një rezultat të mirë. Jemi ende në fillim, është e qartë që ne duhet të përmirësohet”, ka pohuar ish-trajneri i Bolognas.
