Pesë persona u plagosën në një të shtëna masive të lidhur me trafikun e drogës në Francën perëndimore . Ministri i Brendshëm Bruno Retailleau zbuloi se një adoleshent është plagosur rëndë dhe skenat dramatike kanë ndodhur gjatë natës përpara një restoranti në Poitiers.
“Ajo që nisi si të shtëna në një restorant përfundoi në një përleshje mes bandave rivale ku përfshiheshin disa qindra persona”, tha ministri, shkruan Guardian.
Djali pesëmbëdhjetë vjeçar është në gjendje shumë të rëndë, shtoi ai.
Ky nuk është i vetmi incident që tronditi Francën. Dhuna në lidhje me tregtinë e drogës është në rritje dhe Retailleau tha se do të shkonte edhe në Rennes sot, ku një tjetër fëmijë pesëvjeçar, i qëlluar të shtunën në një tjetër përleshje mes bandave të lidhura me drogën, është shtruar në spital.
