Trajneri i Arsenalit, Mikel Arteta është shprehur i zhgënjyer me humbjen dhe paraqitjen e skuadrës së tij ndaj Newcastle.
‘Topçinjtë’ u mundën nga Newcastle (1-0), të shtunën duke bërë një hap fals në garën për kreun e tabelës.
Strategu spanjoll thotë se skuadra e tij e meritoi humbjen nga Newcastle.
“Ne e meritonim humbjen sot. Mendova se e nisëm shumë mirë dhe ishim vërtet dominues. Nuk e mbrojtëm mirë zonën. Urime për ta. Ata shënuan një gol të mrekullueshëm me një pasim të bukur”, ka thënë Arteta.
“Jam shumë i zhgënjyer. Ne u tërhoqëm zvarrë në një lojë, nuk mundëm të luanim ashtu siç donim”, tha ai.
Arteta shpreson se Arsenali do të bëjë paraqitje të mirë në duel me Interin në kuadër të Ligës së Kampionëve.
