Ardian Ismajli shikohet si një mundësi e artë në afatin kalimtar të ardhshëm për Juventusin.
Torinezët janë në kërkim të një lojtari për të mbushur vendin e lënë bosh në mbrojtje nga i lënduari Bremer dhe forma e treguar këtë sezon nga mbrojtësi shqiptari është një garanci për klubin në fjalë.
Në këtë situatë ka një problem pasi Ismajli ka hyrë në vitin e fundit të kontratës dhe në janar do të jetë i lirë për të firmosur me një klub tjetër.
Juventusi për momentin nuk do të shpenzojë para dhe ofron një formulë huazimi me të drejtë blerje ndërsa ky opsion për Empolin nuk mund të përdoret pasi do ta humbte lojtarin në qershor me parametra zero.
Edhe pse për momentin asnjë nga klubet nuk ka bërë hapin e parë një zgjidhje do të ishte nëse Ismajli do të rinovonte edhe një vit me klubin e Empolit dhe në janar të huazohej në Torino ku do të kishte 6 muaj kohë për të treguar vetën në një kontekst të ri.
