Presidenti rus Vladimir Putin i shprehu ngushëllimet e tij presidentit serb Aleksandar Vuçiç në lidhje me tragjedinë në stacionin hekurudhor në Novi Sad, ku 14 persona humbën jetën nga shembja, sipas faqes së internetit të Kremlinit.
“I nderuar zoti President, ju lutem pranoni ngushëllimet e mia më të thella për ngjarjet tragjike në Novi Sad. Qytetarët e Rusisë ndajnë pikëllimin e popullit vëllazëror serb. Përcillni ngushëllimet dhe mbështetjen time të sinqertë për familjet e viktimave, si dhe urimet e sinqerta që të gjithë të lënduarit të shërohen sa më shpejt të jetë e mundur”, thuhet në mesazhin e Putinit.
Sot është ditë zie në të gjithë Serbinë për shkak të aksidentit në Novi Sad, në të cilin dje humbën jetën 14 persona nga shembja e mbulesës së stacionit hekurudhor.
