Një stuhi shiu la provincën spanjolle të Valencias, pasi vrau të paktën 217 njerëz dhe goditi Katalonjën, ku shërbimi meteorologjik bëri thirrje për kujdes ekstrem.
Shërbimi meteorologjik AEMET njoftoi se “kriza meteorologjike ka përfunduar në provincën e Valencias” ku vijojnë kërkimet për të zhdukurit.
Por në të njëjtën kohë ajo u bëri thirrje banorëve të Katalonjës, një provincë fqinje me 7.5 milionë banorë, të jenë jashtëzakonisht të kujdesshëm për shkak të reshjeve të dendura.
Trafiku i trenave të udhëtarëve është pezulluar në Katalonjë për shkak të kushteve të pafavorshme të motit dhe paralajmërimeve për shi të dendur, njoftoi operatori Rodalies de Catalunya në faqen e tij të internetit. Megjithatë, trenat në trafik do të arrijnë në destinacionet e tyre.
