“Izraeli do të vazhdojë të punojë me partnerët ndërkombëtarë, duke përfshirë agjenci të tjera të Kombeve të Bashkuara, për të siguruar që ndihma humanitare t’u ofrohet civilëve në Gaza në një mënyrë që nuk minon sigurinë e Izraelit. Izraeli pret që OKB të kontribuojë dhe të bashkëpunojë në këto përpjekje.” deklaruan ata.
Me këtë rast foli edhe shefi i diplomacisë izraelite, Israel Katz.
“UNRWA është një organizatë, punonjësit e së cilës morën pjesë në masakrën e 7 tetorit dhe punonjësit e së cilës janë gjithashtu operativë të Hamasit. Ata janë pjesë e problemit në Gaza, jo pjesë e zgjidhjes. Kombeve të Bashkuara u janë paraqitur dëshmi të operativëve të Hamasit që punojnë për UNRWA dhe përdorimi i objekteve të UNRWA-së për qëllime terroriste dhe asgjë nuk është bërë për këtë”, tha Katz.
Ai gjithashtu vuri në dukje se vetëm 13 për qind e ndihmës për Gazën aktualisht kalon përmes UNRWA-s dhe theksoi se historitë që UNRWA nuk ka alternativë janë thjesht trillime.
