Pas fitoreve ndaj Real Madrid dhe Atletico Madrid, Lille synon të sigurojë një tjetër sukses kundër Juventus, duke mbajtur gjallë ëndrrën për të avancuar më tej në Champions League ka thënë trajneri i Lille, Bruno Genesio.
Një ditë para ndeshjes trajneri i skuadrës franceze ka shprehur besim për ndeshjen që do të zhvillohet të martën në kuadër të Champions League.
Genesio ka theksuar rëndësinë e përkushtimit dhe mbështetjen e tifozëve si faktorë thelbësorë për të arritur suksesin.
“Çdo ndeshje e Champions League është e ndryshme, por ka një parametër themelor për të arritur një rezultat, përkushtimi”, ka thënë Genesio. “Si të gjitha skuadrat italiane, Juventusi është shumë mirë i organizuar dhe shumë i vështirë. Është e rëndësishme të jemi të vetëdijshëm se kemi arritur tashmë dy suksese në këtë kompeticion, kështu që do të shfrytëzojmë sa më shumë shanset tona. Kemi tifozët tanë që do të na japin forcë”.
