Trajneri i Chelsea, Enzo Maresca, ka theksuar se të qenit favorit në Conference League paraqet sfidë për skuadrën që e drejton.
Në një konferencë për shtyp një ditë para ndeshjes ndaj ekipit armen Noah, Maresca ka nënvizuar rëndësinë e përgatitjes teknike dhe mendore në mënyrë që skuadra ta ruajë nivelin.
“Duhet të jemi gati teknikisht, por edhe mendërisht”, ka thënë trajneri italian, i cili po udhëheq Chelsean në sezonin e tij të parë në “Stamford Bridge”.
Duke folur për përgatitet rreth Noah, Maresca ka paralajmëruar se në futbollin modern mund të gjenden ekipe dhe trajnerë cilësorë në çdo kampionat, duke nënkuptuar se asnjë kundërshtar nuk duhet nënvlerësuar.
Maresca ka thënë se çdo lojtar i Chelesea do ta ketë shansin e tij në Conference League, Premier League dhe FA Cup.
“Sezoni është shumë i gjatë, kemi shumë ndeshje”, ka thënë ai. “Nga jashtë mund të duket sikur kemi dy ekipe, por ne kemi vetëm një ekip, një skuadër”.
