Një ish-punonjës amerikan i forcave amerikane të stacionuara në Gjermani është arrestuar pasi dyshohet se ka ofruar t’i transmetojë Kinës informacione rreth tyre, thanë sot prokurorët gjermanë.
Një burrë i identifikuar si “Martin D.” u arrestua “me dyshimin se ai shprehu gatishmërinë për të ndërmarrë aktivitete të inteligjencës për një agjenci të huaj të inteligjencës”, duke shtuar se ai “kontaktoi zyrtarët kinezë në vitin 2024 dhe ofroi të dorëzonte informacione të ndjeshme për ushtrinë amerikane”, thanë prokurorët.
Prokurorët thanë se ai u arrestua sot në Frankfurt dhe se i është kontrolluar edhe banesa. Ai thuhet se “deri kohët e fundit” ka punuar për forcat amerikane dhe i ka ofruar Kinës “informacionet që ka marrë si pjesë e punës së tij për forcat amerikane”.
Hetimi po kryhet “në bashkëpunim të ngushtë” me inteligjencën gjermane, thanë ata.
Masat gjithnjë e më të rrepta të sigurisë
Gjermania tha muajin e kaluar se planifikon të forcojë kontrollet e sigurisë për stafin në departamentet e ndjeshme qeveritare mes frikës në rritje të spiunazhit.
Berlini ka parë një rritje të rasteve të dyshuara të spiunazhit të lidhura me Rusinë që nga lufta në Ukrainë, por me Kinën. Në rastin më të profilit të lartë që përfshin Kinën, një ndihmës i një deputeti gjerman të ekstremit të djathtë të Parlamentit Evropian u arrestua në prill me dyshimin se kishte spiunuar për Pekinin.
