Shtetasit e huaj të burgosur Bernard C. dhe Gianfranco V. kanë lidhur marrëveshje me Prokurorinë e Lartë Publike (VJT) në Beograd për njohjen e veprës penale të “nxitjes së urrejtjes dhe intolerancës kombëtare, racore dhe fetare”.
Gianfranco V. u dënua me burgim të kushtëzuar prej një viti me një periudhë prove prej tre vjetësh, ndërsa Bernard C. u dënua me burgim me kusht prej gjashtë muajsh me një periudhë prove prej dy vjetësh, njoftoi VJT.
Në bazë të marrëveshjes për njohjen e veprës penale, të dy të pandehurit janë dënuar me masë sigurie, dëbim të të huajve nga vendi në kohëzgjatje prej 10 vitesh.
Bernard C. ka kryer vepër penale duke i fotografuar Gianfranco V. me celularin e tij më 2 nëntor 2024, para Kuvendit të Serbisë, teksa me grushte tregonte shqiponjën dykrenare, duke aluduar në simbolin e “Shqipëria e madhe”.
Bernard C. ka shtetësinë e Zvicrës dhe Kroacisë, ndërsa Gianfranco V. është shtetas i Zvicrës.
