Sot në Budapest po mbahet Samiti i Komunitetit Politik Evropian, në të cilin do të marrë pjesë edhe presidenti i Serbisë, Aleksandar Vuçiq.
Mikpritës i samitit është kryeministri i Hungarisë Viktor Orbán, i cili në qendrën e kongresit Arena “Puskas” do të presë 47 krerë shtetesh dhe qeverish nga vendet e BE-së, kandidatët për anëtarësim dhe vendet e tjera në kufi me BE-në.
Pritet prania e liderëve të Francës, Britanisë së Madhe, Turqisë, Ukrainës dhe liderëve të Ballkanit Perëndimor. BE-ja do të përfaqësohet nga presidentët e Këshillit Evropian dhe Komisionit Evropian, Charles Michel dhe Ursula von der Leyen, dhe Përfaqësuesi i Lartë për Politikën e Jashtme dhe Sigurinë, Josep Borrell.
