Kreu i LDK-së, Lumir Abdixhiku, vazhdoi sonte “Turneun e Ndryshimit” në Viti, ku së bashku me kryetarin e komunës, Sokol Haliti, takoi qytetarë të shumtë të angazhuar për të ndërtuar të ardhmen e Kosovës.
Abdixhiku theksoi rëndësinë e përfshirjes së qytetarëve në këtë vizion për një shtet të fortë dhe të besueshëm, duke shpallur se Haliti do të jetë pjesë e listës për deputet për zgjedhjet e 9 shkurtit.
Duke e konsideruar këtë turne një platformë për shpresën dhe ndryshimin, Abdixhiku shprehu dëshirën për të parë Kosovën si një lider në rajon, ku qytetarët jetojnë me dinjitet dhe kanë mundësi të ndjekin ëndrrat e tyre në vendlindjen e tyre.
“Bëhu ndryshimi” ishte mesazhi i tij për të gjithë, ndërsa Abdixhiku vazhdon turneun nesër në Pejë. /Kosovatimes/
