Unioni Evropian i Transmetimeve (EBU) ka uruar ushtruesin e detyrës së Drejtorit të Përgjithshëm të RTK-së, Hysen Hundozi, për emërimin e tij në këtë pozitë.
“Urime z. Hundozi për emërimin e tij në RTK. Ne presim të bashkëpunojmë me të dhe ekipin e tij për të vazhduar forcimin e Transmetuesit Publik në Kosovë në këto kohë kaq sfiduese. Ne do t’i dërgojmë ftesë z. Hundozi për të marrë pjesë në Asamblenë e Përgjithshme të EBU-së, që do të mbahet më 5-6 dhjetor në Lozanë. Drejtori ynë i Përgjithshëm, Noel Curran, dhe menaxhmenti i EBU-së presin me padurim ta takojnë atë së shpejti.”, thuhet mes tjerash në urimin e EBU-së.
Përveç kësaj, Hundozi ka marrë urime edhe nga disa transmetues të tjerë publikë evropianë, të cilët shprehin mbështetje për përpjekjet e tij dhe angazhimin për zhvillimin e transmetimit publik në Kosovë.
