Donald Trump dhe Kamala Harris, kandidatë në zgjedhjet e fundit presidenciale në SHBA, kanë pasur fushatat më të shtrenjta në historinë e këtij vendi, duke shpenzuar gjithsej 3.5 miliardë dollarë në periudhën parazgjedhore.
Siç shkruan Financial Times, këto dy fushata në periudhën parazgjedhore kanë grumbulluar gjithsej 4.2 miliardë dollarë dhe janë shpenzuar 3.5 miliardë.
Prej tyre, fushata Kamala Harris shpenzoi 1.9 miliardë dollarë, nga 2.3 miliardë të mbledhura. Nga ana tjetër, fituesi Trump shpenzoi 1.6 dhe arkëtoi 1.8 miliardë dollarë.
Sipas analizës së FT, më së shumti është shpenzuar për blerjen e hapësirës në mediat amerikane, ku Harris ka shpenzuar pak më shumë se një miliard dollarë, ndërsa për Trump kjo shifër është 760 milionë dollarë.
Nga totali i parave të shpenzuara për këto dy fushata, 1.8 miliardë dollarë janë shpenzuar vetëm në shtatë shtete federale – Pensilvani, Xhorxhia, Karolina e Veriut, Wisconsin, Michigan, Arizona dhe Nevada.
Në Pensilvani, e cila ishte më e rëndësishmja nga këto shtatë, fushatat shpenzuan një shumë të pabesueshme 494.3 milionë dollarë, dhe deri tani më së shumti për blerjen e hapësirës së marketingut.
