Shkruan: Dr. Muhamet KELMENDI
Masat ndëshkuese nga BE dhe nga SHBA nuk janë vendosur se Kosova nuk është për integrim evropian. Ato u vendosën pse Kosova e vendosi pushtetin e vetë kushtetues në tërë hapësirën territoriale. Me masat e tilla de-fakto rrëshqiti BE dhe SHBA nga pozitat e barazisë në anën e Serbisë dhe u bënë palë. U la Kosova nën masa ndëshkuese pa të drejtë dhe në kundërshtim me politikën e barazisë dhe të lirisë nacionale, politike e shoqërore. U bënë palë me shtetin serb. Deklarata e z. Metsola e Parlamentit Evropian mbi angazhimin e Republikës në Planin e Rritjes dhe për tregun e përbashkët të Bashkimit Evropian nuk është fakt që tregon se po i hiqen Kosovës masat ndëshkuese. Ato u vendosën si masa të presionit për të pranuar Asociacionin e Komunave me shumicë serbe në Kosovë. Pa këtë organizim edhe nuk do të largohen. Mu këtu është gabimi më i madh i BE dhe i SHBA-ve. U dënua Kosova pse e ka vazhduar shtrirjen e sovranitetit të shtetit të vetë në tërë vendin. Këtu burojnë masat ndëshkuese. Natyrisht se pa këtë Asociacioni nuk hiqen masat. Por, dihet tash se Asociacioni i propozuar me statutin e BE dhe me marrëveshjet e bëra e copëton Republikën. Këtë nuk duhet lejuar.
