Anëtari i kryesisë së LDK-së, Berat Rukiqi, ka ironizuar ministrin e Financave, Hekuran Murati duke e cilësuar qasjen e tij si “propagandë” për përpjekjet për të paraqitur deficitet tregtare dhe rritjen e të ardhurave tatimore si suksese ekonomike.
Sipas Rukiqit, rritja e deficitit tregtar dhe shtimi i importeve po largojnë miliarda euro nga ekonomia e vendit, duke e konsideruar këtë si një humbje të madhe për tregun vendas.
Ai gjithashtu kritikoi rritjen e të ardhurave tatimore, që sipas tij po rëndojnë në xhepin e qytetarëve përmes çmimeve më të larta, duke e përshkruar si një rezultat të mungesës së kreativitetit dhe profesionalizmit në interpretimin e të dhënave ekonomike. /Kosovatimes/
