Policia e Kosovës, Drejtoria Rajonale e Policisë në Gjilan, në koordinim me Prokurorinë Themelore në Gjilan, kërkon bashkëpunimin e qytetarëve dhe mediave për lokalizimin dhe arrestimin e personit në kërkim, Bardhyl (Florim) Prekorogja.
Sipas njoftimit të policisë, ai është i dyshuar për vrasje në tentativë si dhe mbajtja në pronësi, kontroll ose posedim të paautorizuar të armëve.
“Policia e Kosovës ka ndërmarrë dhe vazhdon të ndërmarrë të gjitha veprimet e nevojshme për lokalizimin dhe arrestimin e të dyshuarit. Me këtë qëllim, kërkojmë nga të gjithë qytetarët dhe mediat që, nëse kanë ndonjë informacion lidhur me vendndodhjen e tij, të kontaktojnë menjëherë Policinë e Kosovës”, thuhet në njoftim.
Sipas të dhënave të policisë, i kërkuari është Bardhyl (Florim) Prekorogja, datëlindja: 27/05/1999, adresa e banimit: Fshati Busavatë, Komuna e Kamenicës. /Kosovatimes/
